მომხ. სახელი:

პაროლი:

დაკარგეთ პაროლი? / დახმარება

წმიდა კეთილმსახური მეფე თამარი

1166 წელს მეფე გიორგი III და მის მეუღლე ბურდუხანს ქალიშვილი - თამარი შეეძინათ. გიორგი მეფემ თავისსავე სიცოცხლეში იგი მეფედ გამოაცხადა. დიდებულებმა ფიცი დასდეს და მუხლი მოიყარეს 12 წლის მონარქის წინაშე, რომლისთვისაც განგებას ებოძებინა მძიმე ჯვარი ერის წინამძღოლობისა. ვრცლად..

ჩვენი პატრიარქი

უწმიდესი და უნეტარესი, სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი ილია II (ერისკაცობაში ირაკლი გიორგის ძე ღუდუშაური-შიოლაშვილი) დაიბადა 1933 წლის 4 იანვარს ქ. ვლადიკავკაზში. კათოლიკოს-პატრიარქის მშობლები საქართველოდან, ყაზბეგის რაიონიდან იყვნენ: მამა _ გიორგი სიმონის ძე შიოლაშვილი _ სოფელ სნოდან, დედა _ ნატალია იოსების ასული კობაიძე კი _ სოფელ სიონიდან. ვრცლად..

ჩვენი მეუფე

წარმომავლობით შიოლაშვილები ხევის ერთ-ერთ პატარა და ლამაზ სოფელ სნოდან არიან. სოფლის სახელი ვაჟკაცობით გამორჩეული პიროვნების სახელთანაა დაკავშირებული, რომელსაც ხალხური გადმოცემის მიხედვით სახელად სნო ერქვა და ვახტანგ გორგასლის ნათლული ყოფილა. თავად გვარი შიოლაშვილი, შიოლა ღუდუშაურიდან მოდის, რომელიც XVIII საუკუნეში ცხოვრობდა. ვრცლად..

ერთად ავაგოთ ტაძარი

ქრისტესმიერნო ძმანო და დანო, ყოველთვიურად მცირედი შესაწირით დახმარება შესაძლებელია წმ.თამარის ეკლესიაში მსახურებების დროს (თითქმის ყოველ პარასკევ საღამოს და შაბათ დილას). თუ მოსვლას ვერ ახერხებთ, შეგიძლიათ გამოაგზავნოთ შემოწირულობები ჩეკების სახით მისამართზე: ვრცლად..

ქართული სკოლა

ქართული საკვირაო სკოლის პროგრამა ეფუძნება თეორიულ და პრაქტიკულ სწავლებას. გათვალისწინებული იქნება ბავშვის ქართული ენის ცოდნის დონე და მისი ასაკობრივი თავისებურებები. თითოეული მეცადინეობა იქნება ინტეგრირებული და ინტერაქტიული. ვრცლად..

ტაძრები და მონასტრები

საქართველოს სამოციქულო ავტოკეფალური მართლმადიდებელი ეკლესია - ერთ-ერთი უძველესი ავტოკეფალური მართლმადიდებელი ეკლესიაა. ისტორიული წყაროები გვაუწყებს რომ ანდრია პირველწოდებული რომელიც საქართველოში ქრისტიანობის პირველ მქადაგებლად მოიხსენიება, თავისი მისიონერული მოგზაურობებისას სამჯერ იმყოფებოდა საქართველოს ტერიტორიაზე. ვრცლად..

ქართული საეკლესიო საგალობლები

ქართულ საეკლესიო გალობას მრავალსაუკუნოვანი ისტორია გააჩნია. იგი ვითარდებოდა როგორც ადგილობრივ, ისე საქართველოს საზღვრებს გარეთ არსებულ სულიერ კერებში (საბაწმიდის მონასტერში, სინას მთაზე, ტაო-კლარჯეთში, ათონის მთაზე და ა.შ.). წმიდა საბა განწმედილის (+532წ.) ანდერძის თანახმად, ქართველები VI საუკუნის დასაწყისში წირვა-ლოცვას (ცხადია, გალობითურთ) მშობლიურ ენაზე ასრულებდნენ. ამ პერიოდიდან მოყოლებული, ქართული ეკლესიის წიაღში წინაპართა სულიერი ვრცლად..

საქველმოქმედო ფესტივალი 2011

ამა წლის 30 ოქტომბერს წმ.თამარის სახელობის ეკლესია აწყობს საქველმოქმედო ფესტივალს. ღონისძიება ჩატარდება წმ.გიორგის ბერძნულ ეკლესიაში ( 7701 Bradley Boulevard, Bethesda, Maryland 20817 ), დასაწყისი დღის 3 საათი. ვრცლად..

„მოწყალედ გვექმენ ქართველთა ჩვენო ლამაზო დედაო“

ახალი ამბებიდა სხვა საინტერესო საეკლესიო თემები

0

ქრისტიანობა რელიგიაა თუ ფილოსოფია?

მიტროპოლიტი იეროთეოს ვლახოსი (წიგნიდან „მართლმამიდებლური ფსიქოთერაპია“ რომელიც ათენის აკადემიის უმაღლესი ჯილდოთი -- „საუკეთესო თეოლოგიური ნაშრომით“ არის დაჯილდოვებული). (შეკვეცილი ვარიანტი) ქრისტიანობის არსის განმარტებისას ამბობენ, რომ ის ფილოსოფიაა ან ისეთივე რელიგია, როგორსაც ანტიკურობიდან ვიცნობთ. “ფილოსოფია” აზრთა სისტემაა, რასაც სიცოცხლესთან კავშირი არა აქვს. ფილოსოფია ადამიანური აზროვნებაა (და მიზეზის ხარისხის ძებნა მ.ი.) ქრისტიანობა კი ღმერთის გაცხადება. ქრისტიანული მოძღვრება ადამიანური აღმოჩენა არ არის, არამედ თავად ღმერთის პოვნაა ადამიანში. ქრისტიანობის ჭეშმარიტების შეცნობა ადამიანური ლოგიკით შეუძლებელია. იქ, სადაც ადამიანურ სიტყვას შედეგი არ მოაქვს, მოდის და მოვიდა ღმერთკაცობრივი სიტყვა, უფრო სწორად ღმერთი მოვიდა კაცად, ადამიანად. ღმერთკაცის მიერ მოტანილმა სწავლებამ სიტყვები აკრიფა ადამიანისთვის ნაცნობი სამყაროდან, რათა ადამიანისთვის გაემარტივებინა ღვთიური ენერგიების - ჭეშმარიტებისა და სიმართლის შეცნობა. სიტყვები, რასაც ფილოსოფოსები ხმარობენ, შეიძლება იგივე იყოს. შესაძლოა, იგივე სიტყვებს ხმარობდეს ქრისტიანული მოძღვრება, მაგრამ ქრისტიანობა ფილოსოფია არ არის.(ბერძ. “-სიყვარული „სოფია“ - სიბრძნე) მაქსიმე აღმსარებლის შრომებში „ფილოსოფია“ ქრისტიანული ცხოვრების საწყისად იწოდება, ამ სიტყვაში წმიდა მამა ვნებისაგან გულის განწმედას გულისხმობს. ქრისტიანობა რელიგია არ არის. (თვით სიტყვა religare ნიშნავს „შეკვრას“ “ /ligament/ რელიგია არის აზრების სისტემა, სინდისის თანახმად მოქმედება. მართლაც არსებობს სწავლებანი, რომელის კლასიფიცირებაც შეიძლება, როგორც „რელიგიური მიმდინარეობა“ მაგალითად: ჰინდუიზმი, ბუდიზმი, შინტოიზმი და ა.შ. Religion is a set of beliefs concerning the cause, nature and purpose of the universe, especially when considered as the creation of a super human agency (agencies) involving ritual observances, and containing moral code governing the conduct and lifestyle. ითვლება, რომ ღმერთი ზეცაშია და წარმართავს კაცობრიობის ისტორიას, მკაცრად მომთხოვნია სნეულებითა და უძლურებით დაცემული ადამიანის მიმართ. ღმერთსა და ადამიანს შორის გადაულახავი ზღვარი არსებობს, ზღვრის გადალახვისთვის კი რელიგია არსებობს. და ადამიანი რელიგიური რიტუალების შესრულებით ღმერთს ასიამოვნებს. (არსებობდა და არსებობს წარმართული ტომების რიტუალები წვიმის მოსაყვანად, წარმატებული ნადირობისთვის , უხვი მოსავლისთვის, შვილიერებისათვის, და ა.შ. სადაც ადამიანი ძღვენს (ან მსხვერპლს) შესწირავს ღვთაებას, რათა ასიამოვნოს მას, რათა ღვთაების მიერ სურვილი აუსრულდეს. თუ ადამიანს ჰგონია, რომ ქრისტიანულ ეკლესიაში სანთლის ანთებით, ან სეფისკვერის შეწირვით „ასიამოვნებს“ ; „გულს მოულბობს“ მკაცრ ღმერთს, რათა აუსრულდეს თხოვნა, მაშინ ჩვენ, ქრისტიანები არსით არაფრით განვსხვავებულვართ წარმართებისგან. ეს მცდარი გაგებაა, მცდარი მიდგომაა ღმერთისა და ქრისტიანული სწავლების მიმართ, და ამისგან უნდა განვთავისუფლდეთ. მ.ი.) სხვა მოსაზრების თანახმად, ადამიანი უსასრულო სამყაროში უძლურად და უსუსურად გრძნობს თავს და სჭირდება შემოქმედის არსებობა. შემოქმედისა, რომელიც მას უძლურებისას ან უსახსრობისას დაეხმარება. ამ თეორიის თანახმად, ღმერთი კი არ ქმნის, (ძერწავს) ადამიანს, არამედ პირიქით, ადამიანი ძერწავს ღმერთს. რელიგია ადამიანსა და ღმერთს შორის კავშირად მიიჩნევა. ზოგიერთები რელიგიას ცდუნებად თვლიან, როცა ადამიანი თავის იმედს მომავალ ცხოვრებაში ხედავს და ამგვარი „რელიგია“ ძლიერად მოქმედებს ადამიანზე. ქრისტიანობა ზემოთჩამოთვლილ თეორიებსა და განმარტებებზე მაღლა დგას, ამიტომაც ვერ ჩაიკეტება ტერმინ „რელიგიაში“, სხვა სარწმუნოებათა მსგავსად. ღმერთი „მიუწვდომელი შენ“ არ არის, ის ცოცხალი არსებაა და ორგანულად ურთიერთობს ადამიანთან. გარდა ამისა, ქრისტიანს პრობლემები მომავალში არ გადააქვს, არც ზეციურ სასუფეველში განსვენებას ელოდება. ქრისტიანობაში მომავალი აწმყოშია და ღმერთის მეუფება ამქვეყნიურ ცხოვრებაში წყდება. უფლის მეუფება, წმიდა მამათა აზრით, სამპიროვანი ღმერთის მადლია, უქმნელი სინათლის თეორიაა. ჩვენ, მართლმადიდებლები, ისტორიისა და ჟამის აღსასრულს არ ველოდებით, არამედ, ქრისტესგან ნასწავლი მცნებების ცხოვრებაში დანერგვას ვცდილობთ, და ამ სიცოცხლით მივისწრაფვით დასასრულისკენ, ასე განვიცდით იმას, რაც უნდა მოხდეს უფლის მეორედ მოსვლის შემდეგ. სვიმეონ ახალი ღვთისმეტყველი ამბობს, რომ იგი, ვინც იხილა უქმნელი ნათელი და შეუერთდა ღმერთს, კი არ ელოდება უფლის მეორედ მოსვლას, არამედ, ამქვეყნიურ ცხოვრებაშივე განიცდის მასთან სიახლოვეს. ასე, რომ, ქრისტიანულ სწავლებაში დროის სწორხაზოვანი, (კალენდარული) აღქმა არ ხდება, დრო წრიულია ან ჯვრის ფორმის. ე.ი. მარადიულობაში ვვარსებობთ. ამიტომ წარსული, აწმყო და მომავალი ურყევ მთლიანობად ერთიანდება. მართლმადიდებლობა სიცოცხლის მომნიჭებელია, ადამიანის ბიოლოგიურ არსებობას სახეს უცვლის, განწმენდს და ცვლის საზოგადოებებს. იქ, სადაც მართლმადიდებლობას სწორად ემსახურებიან, გაიაზრებენ და სულიწმიდის მადლით ემსახურებიან, სუფევს ღმერთისა და ადამიანის, ზეციერთა და მიწიერთა, ცოცხალთა და შესვენებულთა შორის კავშირი. ამ კავშირით და ურთიერთობით წყდება სწორედ ჩვენს ცხოვრებაში გაჩენილი ყველა პრობლემა.
0

ადამიანისთვის მინიჭებული ნიჭი

არსებობს შვიდი ნიჭი სულისა წმიდისა. ესენი გახლავთ: შიში ღვთისა, ღვთისმსახურება, ძლიერება, ზრახვა, მეცნიერება, გულისხმისყოფა, სიბრძნე. უფალმა ადამიანი თავისუფალ არსებად შექმნა და უბოძა განსაკუთრებული უნარი - ნიჭი სიყვარულისა. ნიჭი უფლის წყალობით ეგზავნება ადამიანს გადარჩენისათვის. უფალთან დაახლოებისთვის სხვადასხვა სახის ნიჭი არსებობს. და უფალი მათ სხვადასხვანაირი რაოდენობით ანაწილებს. მაგალითად, ყველას არ ეძლევა წინასწარმეტყველების, ან ქადაგების ნიჭი. ამის შესახებ პავლე მოციქულიც ბრძანებს: ნუ ყველა წინასწარმეტყველებთ, და ნუ ყველა ქადაგებთო. მთავარია, ადამიანმა სწორად მოაგნოს, აღმოაჩინოს თავისთავში, თუ რისი ნიჭი მიეცა მას და, შესაბამისად, კეთილად წარმართოს იგი. ყველა ადამიანს თავისებური ნიჭი აქვს, როგორც მიტროპოლიტი ფილარეტი ამბობს, ეს განსხვავებული ტალანტები მოგვენიჭება თითოეულს „მსგავსად ძალისა თვისისა“. მოციქულებმა მათზე სულიწმიდის გადმოსვლის დღეს განსაკუთრებული მადლიანი ნიჭი მიიღეს, (უცხო ენების ცოდნა); რაც მათ სჭირდებოდათ თავიანთი დიდი მსახურების შესასრულებლად. დეკანოზი შალვა (როსტიაშვილი)
0

როცა ადამიანი ეკლესიურ ცხოვრებას იწყებს, ღვთის მადლში ექცევა. მოძღვარი არის ღვთის მადლის მატარებელი და მისი შემსრულებელი. მოძღვარში ჩვენ ღვთის ნებას ვხედავთ. თუ მოძღვარი არ ჩრდილავს უფალს თავისი პიროვნების წინა პლანზე წამოწევით, და უფალს თავისთავზე წინ აყენებს, ასეთ შემთხვევაში მყარდება პირდაპირი კავშირი ღმერთსა და ადამიანს შორის. თუკი უფლის მცნებების, წმინდა მამათა სწავლების, სახარების მიხედვით იწყებს კაცი ცხოვრებას, იგი უფლის ნების აღმსრულებელი ხდება. ლოცვა ღვთის მადლის მოცემას ნიშნავს, კურთხევა კი გამრავლებას. გაგიმრავლდება ღვთის ძალა და მადლი. მოძღვარს სთხოვ, რომ აკურთხოს ღვთის მადლი და გამრავლდეს შენში ღვთის ძალა. ნათესს თუ არ მორწყავ, არ ამოვა. ასევეა ღვთის მადლი. მოძღვრის ლოცვა-კურთხევის გარეშე ვერაფრის შედეგს, ნაყოფს ვერ მივიღებთ.ყფალი სახარებაში ბრძანებს: „უჩემოდ ქვას ქვაზე ვერ დადებთ“. ასევე ბრძანებს: „ სიკეთის ქმნა არ შეგიძლიათ არცა ერთი.“ ღვთის მადლის გარეშე ხე ნაყოფს ვერ მოისხამს, არაფერი გამოგვივა. თუ გამოგვივა, დროებით. თუკიღა ადამიანი საკუთარ ნებას ღვთის ნებას დაუმორჩილებს, მუდამ სწორი გზით ივლის. იღუმენი მიქაელი (ოთარაშვილი)
0

გონება რომ საღად მუშაობდეს

ვის არ დასდგომია ცხოვრებაში ისეთი მომენტი, როცა არ იცი, რა გზას დაადგე.შფოთავ, არ იცი, წამოიწყო თუ არა საქმე, ენდო თუ არა ადამიანს, დათანხმდე თუ არა შემოთავაზებულ სამსახურზე, დახარჯო თუ არა ფული ჩანაფიქრის განსახორციელებლად. ამ ყოყმანში განსაკუთრებით გრძნობ საკუთარი გონების უძლურებას. სწორედ მაშინ მეტად მძაფრდება უფალზე დამოკიდებულების შეგრძნება. ითხოვენ, ევედრებიან ზეციურ მბრძანებელს, გაუნათოს გონება, აგრძნობინოს თავისი ნება, დაეხმაროს სწორი გადაწყვეტილების მიღებაში. ასეთ ვითარებაში უფრო მეტად უნდა შეეცადო, ნაკლებად შესცოდო, გააკონტროლო საკუთარი ქცევა, არ მისცე გონებაში გაჩენილ ცოდვიან ფიქრებს და წარმოდგენებს გახელების საშუალება. უფრო დიდხანს, ყურადღებით ილოცო, ანუ შექმნა პირობები, რომ უფალმა მოიღოს მოწყალება და დაგეხმაროს სწორი გადაწყვეტილების მიღებაში. მართლმამიდებელი ცხოვრების წესი ნათლად მიუთითებს, რამდენად დიდი მნიშვნელობა აქვს პირად დამსახურებას უფლის წინაშე, რათა შენდა სასიკეთოდ დამთავრდეს ყველაფერი. უფლის წყალობა, უფლის ნების გაგება დამოკიდებულია ჩვენს ქცევაზე, მოღვაწეობაზე. აზროვნება იწმინდება, სწორი მიმართულებით მიდის, როდესაც ადამიანი ცდილობს, ნაკლებად შესცოდოს. გონება რომ საღად მუშაობდეს, მსჯელობა გამართული იყოს, ამას დამსახურება უნდა. ეს უფლის წყალობაა და იგი, რამდენადაც შესაძლებელია, ღვთისთვის სათნო ცხოვრებით მიიღწევა. თუ ადამიანი სცოდავს -- ლოთობს, მრისხანებს, მრუშობს და ა,შ. როგორ უნდა შეიტყოს მისთვის მნიშვნელოვან საკითხზე როგორია ღვთის ნება ან რატომ ელოდება, რომ ცოდვებში ჩაფლულ ადამიანზე მოწყალებას მოიღებს უფალი? დეკანოზი დავით ციცქიშვილი
0

მეუფე დიმიტრის მონათხრობი ეპარქიის პირველ კრებაზე‏

მეუფე დიმიტრის მონათხრობი ეპარქიის პირველ კრებაზე‏

უშინ, 5 თებერვალს,2013 წლის, წმიდა ნინოს სახელობის ქართულ მონასტერში გაიმართა ქართული მართლმადიდებელი ეკლესიის ჩრდილოეთ ამერიკისა და კანადის ეპარქიის პირველი შეკრება. (სურათები შეგიძლიათ აქ ნახოთ)

ამ ხუთიოდე წლის წინ ქართული ეკლესია ამერიკაში საერთოდ არ არსებობდა. ქართველები გაფანტულნი ვიყავით რუსულ, ბერძნულ და სხვადასხვა ეკლესიებში, და უცხო ენაზე აღვლენილ ლოცვებს ვისმენდით. ცალკეული ქართველი მღვდლები უცხო ეკლესიებში ხანდახან ახერხებდნენ სანუკვარ, ქართულ ენაზე წირვა-ლოცვას. დღეს კი არსებობს ეპარქია, რომელშიც გაერთიანდა ქართული ეკლესიები და მონასტრები ვაშინგტონში, ნიუ-ჯერსიში, ფილადელფიაში, ჩიკაგოში, ლოს-ანჟელესში. ქართულ ეკლესიას შემოუერთდა ორი დიდი მონასტერი.

ვრცლად.. 
0

დავეხმაროთ წუღრუღაშენის მონასტერს

წუღრუღაშენი

უღრუღაშენის წმიდა გიორგის ხუთშაბათის ჯვრის მამათა მონასტერი მდებარეობს საქართველოს უძველესი ეპარქიის ბოლნისის, ისტორიული ქვემო ქართლის ტერიტორიაზე, უძველესი და უმდიდრესი წარსულის მქონე მხარეში. და დგას მდინარე ფოლადაურის ხეობის მარჯვენა მხარეს მთის ფერდზე, რომელსაც მემატიანე ვახუშტიბატონიშვილი მოიხსენიებს როგორც ,,მცირე მთა ბოლნისისა.

​წუღრუღაშენი ქართული ხუროთმოძღვრების თვალსაჩინო ძეგლია. იგიჯუარ-გუმბათოვანი ტიპის ძეგლებს მიეკუთვნება. მისი შიდა სივრცე შექმნილია ჯვრის ოთხიმკლავისაგან. ჯვრის მკლავები დასავლეთით და აღმოსავლეთით გრძელია, ვრცლად.. 

გვერდი:12345...1617